Marilyn – Të jetosh e të vdesësh për dashurinë

Autor:Alfonso Signorini ISBN: 978-99943-0-339-7 Kolana: Gjinia: Nr. faqe: 288Përktheu: Beti NjumaViti i botimit: 1000 Çmimi: 1000 Lekë

Ky libër ka dy protagonistë: Marilyn Monroe dhe dashurinë. Dashurinë e kërkuar, të përgjëruar, të abuzuar, të dështuar, të papritur, iluzive, të zbuluar dhe të humbur. Dashurinë që të bën të jetosh e të vdesësh. Dashurinë e mohuar të fëmijërisë, çmendurinë e së ëmës, jetimoren dhe dhunën seksuale.

 

Ishte dashuri apo u bë e tillë më vonë ajo për kampionin e bejsbollit Joe DiMaggio? Zgjodhi dashurinë atë ditë që Aristotele Onassis-i i bëri atë propozim të rëndë: për të ngritur imazhin e Principatës së Monakos , donte që të bëhej gruaja e Ranierit. Por jo, ajo zgjodhi të martohej me Arthur Miller-in. Pati edhe dashuri kalimtare me Yves Montrand, Tony Curtis, Marlon Brando. Dhe miku Frank Sinatra bëri kodoshin me John Kennedy-n duke i hapur dyert e ëndrrës së fundit. Kënga legjendare “Happy Birthday Mr. President”, që xhindosi zonjën Jackie Kennedy, ishte ndoshta kënga e fundit sublime e mjellmës.

 

Më pas mbetën vetëm telefonatat e sikletshme të një Marilyn-i të shkatërruar, drejtuar centralit të Shtëpisë së Bardhë dhe dëshira e fundme për të ndalur së vuajturi për dashurinë.

 

Ky është dënimi i saj: ishte lindur për të dashuruar, por e paaftë për ta bërë këtë.

 

 

Libra të tjerë nga Alfonso Signorini:

Tepër krenare, tepër e brishtë – Një roman për Maria Callas

Chanel – Një jetë si në përrallë