Abaz Dojaka, “Doktor i shkencave”, etnograf, specialist në fushën e etnologjisë sociale. Mbi bazën e hulumtimeve në terren hartoi një varg studimesh për familjen, martesën, ceremoninë e dasmës, artin popullor, për probleme të ndryshme shoqërore, por edhe për enët e orenditë shtëpiake dhe veshjet popullore. Ka botuar monografinë Martesa në Shqipëri; është bashkautor i botimit Arti popullor në Shqipëri dhe Veshjet popullore në Shqipëri. Për shumë vite ka qenë pedagog i Etnologjisë në Universitetin e Tiranës. Në vitet 1990-1993 ka qenë Kryetar i shoqatës Atdhetare ÇAMËRIA.