Jemi në Napoli, në fillim të shekullit XX. Midis Roza Avilianos, lindur dhe rritur në bodrumet e shtresave më të ulëta, dhe fisnikes Jozefa Paraviçini, gruaja e palumtur e princ Enrik Kastilias, merr jetë një lidhje e fuqishme që, përtej dallimeve sociale, do t’i bashkojë për gjithë jetën. Përmes ngjarjeve të jetuara, shenjuar nga tragjedi dhe pasione të mëdha, si në një afresk të fuqishëm dhe realist të një epoke, pasqyrohen dramat dhe vështirësitë e shekullit të kaluar. Duke pasur në qendër dy figura të jashtëzakonshme femërore, ky roman shpalos ndjenja dhe ideale të fuqishme.