Duka e Sudeleigh-it është i vendosur ta martojë vajzën e tij ngatërrestare, Elizabeta. Edhe kjo bukuroshe kokëfortë është po aq e vendosur t’i shpëtojë martesës. Kështu, kur karroca e saj thuajse përmbyset, atë e shpëton një fermer skocez modest. Më vonë ajo I futet atij në shtrat… por e zbulojnë. I ati e detyron Elizabetën të martohet me të, ndërkohë që është në dijeni se ky djalë, Daglas MakKinon nuk është një fermer i varfër, por pronar i fuqishëm tokash në Skoci. Daglasi bie dakord për martesën, në këmbim të ndihmës së Dukës në oborrin mbretëror, sepse ai dëshiron shumë që t’i rifitojë tokat e tij. Por jeta me nusen angleze guximtare shumë shpejt nxjerr në pah dëshira të tjera. Jaclyn Reding është autore bestseller e një numri romanesh kalorësiake dhe “Pretenduesi” është fillimi i heronjve të saj të malësisë skoceze. Ky libër është përkthyer në shumë gjuhë dhe nëpërmjet një historie të detajuar, përcillen cilësitë e larta njerëzore, si dashuria, guximi, trimëria, vendosmëria, mprehtësia dhe shkathtësia. Mos e humbisni leximin e “Pretenduesit”.