Aventurat e Tom Sojerit

Autor:Mark Twain ISBN: 978-99943-0-382-3 Kolana: , Gjinia: Nr. faqe: 284Përktheu: Ardian KlosiViti i botimit: 2014 Çmimi: 800 Lekë

Shumica e aventurave që do të tregohen në këtë libër kanë ndodhur me të vërtetë. Një pjesë prej tyre i kam jetuar vetë, të tjerat shokë të mi të shkollës. Hak Fini, për shembull, është krejt siç ka qenë në jetë, Tom Sojeri po ashtu, vetëm se për të m’u desh të bashkoj e të thur në një tiparet e tre djemve që kam pas njohur, të sajoj, si të thuash, tipin përmbledhës letrar.

Sa për besëtytnitë që ceken këtu, edhe ato kanë qenë mjaft të përhapura ndër kalamajtë dhe skllevërit e Perëndimit në kohën e kësaj historie, pra nja tridhjetë a dyzet vjet më parë.

Libri u drejtohet në radhë të parë fëmijëve, djem e vajza, po edhe të rriturit shpresoj se nuk do t’ia kthejnë kurrizin. Fundja, unë e pata edhe këtë synim kur shkrova, që t’u kujtoj të rriturve se si kanë pas qenë dikur, se ç’u thoshte zemra, mendja e goja atëherë, se ç’bëma të çuditshme u shkrepnin në kokë here pas here. Autori