Një studio e vogël ligjore. Një çështje e madhe gjyqësore. Rasti i një jete të tërë.

Oskar Finlej dhe Uolli Fig, dy avokatë nga Çikagoja, prej njëzet vjetësh janë ortakë të një studioje të vogël ligjore, gjithmonë në pragun e falimentimit. Grinden me njëri-tjetrin si një çift i vjetër bashkëshortësh, përpiqen të sigurojnë klientë kryesisht duke dhënë këshillime “sipas rastit” gjatë divorceve të shpejta apo ndaj viktimave të aksidenteve të shpeshta automobilistike, që ndodhin në kryqëzimin pranë zyrës së tyre. Të dy ia dalin mbanë ta çojnë përpara studion e tyre pak a shumë me dinjitet dhe pa e humbur shpresën se herët a vonë do të jenë aq me fat sa do të ndeshen me çështjen ligjore që do t’i bëjë të pasur.

Rutina e tyre tronditet papritmas ditën kur tek ata hyn furishëm e me tërsëllëm Dejvid Zinku, avokati i ri dhe i papërmbajtur, i cili deri pak orë më parë punonte në njërën prej studiove ligjore më në zë të qytetit. I lodhur prej ritmeve masakruese dhe i vendosur ta ndryshojë jetën e vet njëherë e mirë, Dejvidi nuk është paraqitur në zyrë, është dehur si mos më keq dhe, për shkak të një sërë rrethanash të rastësishme e fatlume, ka mbërritur aty duke u kërkuar dy ortakëve që ta marrin në punë.

Duket si shenjë e fatit, pasi pikërisht ato ditë atyre të treve iu erdhi mundësia e një jete të tërë: një çështje përvëluese që ka të bëjë me një industri të rëndësishme farmaceutike dhe që më në fund mund t’i bëjë të pasur.

Me sa duket, fama dhe paratë po i presin, por gjithçka është tepër e bukur për të qenë e vërtetë dhe, thuajse pa e kuptuar, Oskari, Uolli dhe Dejdivi e gjejnë veten të përfshirë në një proces që rrezikon t’i shtypë, në të cilin luhen miliarda dollarë dhe ku avokatët më luftarakë të studiove ligjore më të mira do të sfidojnë njëri-tjetrin në një betejë deri në pikën e fundit të gjakut.

Me këtë rrëfim prej mjeshtri të vërtetë të një çështjeje të madhe gjyqësore, Xhon Grishami vërteton përsëri se zotëron aftësi të jashtëzakonshme si shkrimtar, dhe e bën këtë duke u shtuar elementeve klasike dhe të pangatërrueshme të thrillerit ligjor një grimcë humori.

Libra të tjerë të John Grisham-it, në shqip, nga Shtëpia Botuese Dudaj: Testamenti, Më në fund gjykatës, Të mos festosh Krishtlindjet, Ortaku, Ndërmjetësi, Klienti, Kohë për të vrarë, Dhoma e gazit, Firma, Apelimi, Rrëfimi, Bashkëpunëtori, Të fshehtat e Malit Grei, Ish-avokati.