Ëndrra nga im atë

Autor:Barack Obama ISBN: 978-99943-0-193-5 Kolana: Përktheu: Diana Ndroqi DibraViti i botimit: 2011Nr. faqe: 500 Çmimi: 1500 Lekë

Në këtë libër kujtimesh të ndjera e mbresëlënëse, pa ngjyrime sentimentale, djali i një babai afrikan dhe i një nëne të bardhë amerikane kërkon t’i japë kuptim jetës së vet si amerikan me ngjyrë. Tregimi i tij nis në Nju-Jork, ku Barack Obama mëson se i ati – një figurë që për të kishte qenë më shumë mit se njeri – ka vdekur në një aksident rrugor. Kjo humbje e papritur frymëzon tek autori një odise emocionale që fillon të marrë trajtë në një qytet të vogël në Kansas, prej ku nis migrimi i familjes së nënës së tij për në Havai, pastaj vazhdon në Kenia, ku ai takon gjysmën afrikane të familjes së tij, përballet me të vërtetën e hidhur të jetës së të atit dhe më në fund vendos paqe në trashëgiminë e vet të ndarë.

 

“Provokues… por bindës në përshkrimin e fenomenit të përkatësisë së njëkohshme në dy botë të ndryshme, ndonëse në të vërtetë nuk i përket asnjërës prej tyre.” – New York Times Book Review

 

“Rrjedhshëm, qetësisht e me gjykim të thellë, Obama na udhëheq rrugën drejt e aty ku kryqëzohen çështjet më serioze të identitetit, klasës dhe racës.” – Washington Post Book World

 

 

“Një nga librat më të fuqishëm rreth zbulimit të vetvetes, që rrallë më ka rastisur të lexoj… i shkruar edhe bukur, me gjuhë të ngrohtë dhe i ndërtuar në formën e një romani.” – Charlayne Hunter-Gaunt, autore e “Në vendin tim”

 

Barack Obama e nisi karrierën si organizator komuniteti në disa nga lagjet më të varfra të Çikagos. Më pas ndoqi studimet për drejtësi në Universitetin e Harvardit. Në vitin 1992 drejtoi programin “Illinois Project Vote” për regjistrimin e votuesve të rinj. Nga viti 1997 e deri në vitin 2004, për tri mandate, ishte senator i shtetit të Ilinoisit.

Punoi si lektor në Universitetin e Çikagos për të drejtën kushtetuese, si avokat për të drejtat qytetare dhe si drejtues i disa shoqatave bamirëse.

Në vitin 2008 ishte kandidat i Partisë Demokrate për President të Shteteve të Bashkuara të Amerikës dhe u zgjodh në këtë post të lartë për dy mandate.