FORCA E ERRËT E HAKMARRJES NË NJË TRILLËR PLOT ZHVILLIME TË BEFTA QË SAKAQ NDRYSHOJNË GJITHÇKA. Kur hyri në shtëpinë e Ana Bethsenit mbrëmjen e shkuar, inspektori Herri Holi mendoi se thjesht do të kalonte një mbrëmje të këndshme. Por zgjimi nuk ia kurseu të papriturat e pakëndshme: i plandosur në kolltukun e dhomës së tij të ndenjjes, kokën e kishte tym nga dehja e mbrëmjes dhe s’mbante mend gjë prej gjëje. Ana sapo ishte gjetur e vetëvrarë në shtratin e saj dhe kur një e-mail anonim e paditi për përfshirje në vdekjen e gruas, Holi e kuptoi që dikush po orvatej ta shtinte në grackë. Dhe se pas vetëvrasjes në dukje, mund të fshihej shumë më tepër.

Jo Nesbø është shkrimtari trillër që kam më fort për zemër” – MICHAEL CONNELLY

JO NESBØ ka shitur 30 milionë kopje të librave të tij në mbarë botën. Ndër këto përmendim: Lakuriqi i natës, Furrtaret, Gushëkuqi, Nemesi, Ylli i djallit, Leopardi, Fantazma, Policia, Etje – të gjithë pjesë e serisë tejet fatlume me protagonist detektivin Herri Hol dhe trillërat: Gjuetari i kokave, Gjak dhe dëborë, Dielli i mesnatës.